A Escola Galega do Consumo créase como un instrumento para coordinar as actividades de educación e formación no eido do consumo, coa finalidade de impulsar e desenvolver a educación e a formación das persoas consumidoras galegas.
A través das distintas programacións, a Escola Galega do Consumo canaliza as actividades de formación e educación neste ámbito, que promove a Xunta de Galicia tanto na educación formal como non formal, dando resposta á planificación estratéxica establecida en cada momento, atendendo tamén ás demandas das persoas consumidoras e á propia evolución do mercado.
A nosas aulas
Plataforma de formación propia a través da que se irradiará a formación a todo tipo de persoas destinatarias de todas as idades. Nos diferentes programas que se desenvolverán na aula estarán, entre outros, os seguintes: ConsumoEduca, ConsumoXenero, ConsumoResponsable, ConsumoVideoteca e ConsumoEcommerce
Ler máis
Espazo dirixido a múltiples actividades. Entre outras finalidades, a aula multifunción permite levar a cabo reunións en grupo e desenvolver actividades didácticas e plásticas.
Aula en que se simula un supermercado real e onde se traballa a compra responsable, o etiquetado alimentario, a pirámide dos alimentos e a publicidade no punto de venda, analizando as técnicas comerciais para incentivar o consumo, para aprender así a mercar dun xeito informado e crítico.
Obxectivo
O obxectivo xeral da Escola Galega do Consumo céntrase en dar resposta ás demandas formativas e educativas dos distintos sectores da poboación galega e, especificamente, ás detectadas nas estatísticas das consultas e nas reclamacións recibidas das distintas oficinas de consumo, nos estudos de investigación realizados e nas avaliacións das actividades formativas.
Para máis información:
Escola Galega de Consumo
Avenida Gonzalo Torrente Ballester 1-5 Baixo, 15707-Santiago de Compostela
881 999 091
Correo Electrónico: igc.escuela [at] xunta.es (igc[dot]escuela[at]xunta[dot]es)