Instituto Galego do Consumo e da Competencia

O Laboratorio de Consumo de Galicia (LCG) é o centro no que se realizan as análises e os ensaios sobre productos industriais non alimenticios presentes no mercado, co fin de avaliar a súa conformidade coas regulamentacións técnicas referidas tanto a calidade como á seguridade. Realiza ensaios sobre produtos de consumo co fin de verificar a súa adecuación á normativa, as súas características e a veracidade das atribucións declaradas na etiquetaxe.

A Escola Galega de Consumo créase como un instrumento para coordinar as actividades de educación e formación no eido do consumo, coa finalidade de impulsar e desenvolver a educación e a formación das persoas consumidoras galegas a través da realización de cursos, obradoiros, conferencias, publicacións e estudos.