O Instituto Galego de Consumo, que intensificou os controis de xoguetes e grilandas luminosas de cara ás compras de Nadal, analizou no Laboratorio máis de corenta produtos
No 2011 o IGC realizou máis de 107.700 actuacións de control de produtos industriais, nas que foron atopados perigosos 124 produtos que foron notificados á rede de alerta nacional
Galicia consolídase como a comunidade que máis número de produtos inseguros localiza debido a que tamén é a que máis investiga
Santiago, 14 de Xaneiro de 2012.-

A campaña InfonadalConsumo, posta en marcha pola Consellería de Economía e Industria a través do Instituto Galego de Consumo para extremar a protección dos consumidores de cara ás compras do Nadal, permitiu detectar e retirar do mercado un total de nove produtos con risco grave para os consumidores, grazas á intensificación dos controis que a inspección de consumo leva a cabo permanentemente para garantir a seguridade dos produtos. Durante a campaña, que incluíu accións formativas da Escola Galega de Consumo, tamén se incrementaron os controis relativos a aspectos esenciais da información e protección dos dereitos dos consumidores na venda de bens e servizos, como a indicación de prezos, o etiquetado, a publicidade, as condicións das garantías ou a existencia de follas de reclamacións.

Temática:
Outros