Javier Guerra formaliza a posta en marcha da primeira oficina provincial de consumo de Galicia en Pontevedra

O conselleiro de Economía e Industria, Javier Guerra


Fernández, e o presidente da Deputación Provincial de Pontevedra, Rafael Louzán Abal,


formalizaron hoxe a sinatura do convenio de colaboración que permitirá activar de xeito


pioneiro en Galicia e en Pontevedra a primeira Oficina Provincial de Información ao


Consumidor (Opic) no marco dun conxunto de accións dinamizadoras e de coordinación das


accións a prol dos consumidores que se estenderá posteriormente a outras deputacións


galegas.

A posta en marcha deste servizo da resposta a un dos compromisos prioritarios do


departamento que dirixe Javier Guerra: mellorar o servizo de atención e información aos


consumidores galegos dun xeito coordinado. Así, explicou o conselleiro, establécese unha


rede provincial profesionalizada de información ao consumidor, coa Opic como punta de


lanza e coordinando o traballo das oficinas municipais de información ao consumidor, e


promocionarase a difusión da mediación e do sistema arbitral de consumo de Galicia na


provincia de Pontevedra e de diferentes accións de formación e educación en materia de


consumo .

Na provincia de Pontevedra estanse a recibir o 36% das reclamacións de consumo e máis


da metade das solicitudes de arbitraxe presentadas en toda Galicia, asemade o concello de


Pontevedra é o único das sete grandes cidades de Galicia que non dispón dunha OMIC.


Esta oficina provincial de información ao consumidor prestará servizo e asesoramento aos


cidadáns da capital e aos concellos da provincia, de xeito especial aos que non teñan OMIC


e, en particular, aos de menos de 5.000 habitantes.

Na oficina, con sé na Deputación Provincial, atenderase de maneira directa aos


consumidores e usuarios da cidade, cubrindo así as carencias do concello, e da provincia e


promoverase a resolución extraxudicial dos conflitos e as reclamacións dos consumidores e


usuarios da provincia.

A Deputación provincial de Pontevedra exercerá labores de asesoramento e colaborará co


Instituto Galego de Consumo para sentar as bases dunha mellor atención ao consumidor na


Provincia de Pontevedra, coa finalidade de que se poñan en marcha actuacións de


inspección de consumo e control do mercado, transmisión de información e detección de


produtos inseguros, mais asesoramento e formación sobre seguridade dos mesmos.

A Consellería de Economía e Industria a través da futura rede de Oficinas Provinciais de


Información ao Consumidor, que coordinarán o traballo das oficinas municipais de atención


ao consumidor, é conformar unha rede de alerta de produtos inseguros e traballar en rede


no eido do consumo, o que supón atender as necesidades dos cidadáns dun xeito


coordinado, integral e localizado con respostas concretas .

Máis accións


Esta acción pioneira súmase á recente presentación do novo plan de financiamento das


asociacións e federacións de consumidores de Galicia, que dota con 605.000 euros, un 27%


máis que no pasado exercizo, a estes colectivos co obxectivo de impulsar a mediación como


fórmula de resolución de conflitos naqueles sectores considerados clave no marco do


diálogo cos representantes dos consumidores a través da creación, por primeira vez en


Galicia, de 6 observatorios de ámbito autonómico.

Ademais, Pontevedra xa conta tamén co pioneiro proxecto Re-dic, que se implanta nun


primeiro momento nesta provincia e estenderase posteriormente a outras zonas de Galicia, e


que cunha achega da consellería que dirixe Javier Guerra superior aos 400.000 euros


responde aos obxectivos de descentralización das políticas comerciais, acadando a


proximidade ao comerciante coordinando as políticas autonómicas, provincias e locais cunha


mellora da información e asesoramento aos comerciantes, ademais de procurar a necesaria


dinamización comercial.

A Consellería de Economía e Industria, a través da re-Dic e da Opic, que se estenderán a


toda Galicia, logrará un dobre obxectivo, posto que por unha banda facilita aos pequenos


emprendedores coñecementos útiles para afrontar a actual conxuntura económica e mellorar


a xestión dos seus negocios, ao mesmo tempo que protexe os dereitos dos consumidores


reforzando as estruturas administrativas encargadas de controlar os produtos do mercado e


atendendo as reclamacións dos cidadáns en materia de consumo facilitándolles a


información que precisan.