O programa consiste na realización de visitas ás lonxas para promover o coñecemento e o consumo dos produtos galegos
A Consellería do Mar quere dar a coñecer a calidade dos produtos que desembarcan a diario nos portos galegos
O obxectivo é a valorización dos produtos do mar e a potenciación do seu consumo
Santiago, 16 de Outubro de 2009.-

O director xeral de Competitividade e Innovación
Tecnolóxica, Juan Carlos Maneiro, e a presidenta do Instituto Galego de Consumo, María
Nava Castro Domínguez, presentaron esta mañá o proxecto Mar achega , un programa de
actividades pensado para amosar á poboación do interior de Galicia o sistema de extracción
e primeira venda dos produtos da pesca artesanal capturados nas augas interiores de
Galicia aos consumidores finais. Mar achega pretende transmitir a singularidade do traballo
colectivo dos profesionais do mar e fomentar a valoración do seu traballo recoñecendo a
calidade dos produtos e as súas bondades.

Segundo explicou o responsable de Competitividade e Innovación Tecnolóxica, a proposta é
un programa piloto que consiste na realización de 10 visitas ás lonxas de diferente portos do
litoral galego para promover o coñecemento e consumo dos produtos da pesca de baixura e
do marisqueo aos participantes. Os destinatarios desta acción son persoas pertencentes a
diferentes asociacións de consumidores de localidades do interior das catro provincias
galegas, sendo 50 persoas por visita. Dita visita inclúe a asistencia a unha poxa, a visita a
puntos de extracción e depuración así como a degustacións de produtos á par que se
difunde o patrimonio marítimo pesqueiro da zona de destino.

Maneiro recalcou que obxectivo deste proxecto piloto obedece a unha das liñas prioritarias
de Mar: a potenciación do consumo de peixe fresco e amosar as bondades da súa
comercialización . O director xeral dixo que unha das liñas básicas para promover o
consumo de peixe é coñecelo, e o mellor xeito de que a xente coñeza a súa orixe e a súa
comercialización e achegándoos ao produto e á realidade do facer diario das xentes do
mar .

O responsable de Competitiviade e Innovación Tecnolóxica incidiu tamén na importancia de
consumir produtos que pasen todos os controis hixiénicos- sanitarios tal e como garante o
sistema de comercialización e depuración empregados en Galicia e adquiridos polas vías
comerciais ordinarias e legais .

Colaboración do IGC
A Consellería de Mar destinará a esta actividade un total de 46.290 euros, coa intención de
avaliar o seu resultado e promover un consumo responsable dos produtos do mar. Con esta
iniciativa colabora o Instituto Galego de Consumo que aporta tanto os contactos coma a
organización dos participantes na actividade.

Dentro das actuacións do acordo entre a Consellería do Mar e mais o IGC está contemplada
unha actividade concreta sobre o etiquetado dos produtos do mar que se completará coas
visitas físicas ás lonxas.

Calendario de visitas
As visitas vanse desenvolver ao longo dos meses de outubro e novembro. A primeira delas
terá lugar este luns 19 de outubro en Pontevedra e acudirán asociacións de Melide e A
Estrada cunha visita aos bancos marisqueiros extractivos, degustación de produtos do mar,
visita á lonxa e a un centro de depuración. A esta visita acudirá a conselleira do Mar, Rosa
Quintana. e a presidenta do Instituto Galego de Consumo, María Nava Castro Domínguez.
As demais visitas son as seguintes:

21/10 visitan Cambados asociacions de Melide e A Estrada
22/10 visitan Cambados asociacions de Ourense Ribadavia e Verín.
26/10 visitan Cariño asociacions de Monterroso e Palas de Rei.
27/10 visitan Vigo asociacions de Ourense e Ribadavia .
2/11 visitan A Coruña asociacions de Lugo.
4/11 visitan Lira asociacions de Santiago de Compostela.
5/11 visitan a localidad de O Grove asociacions de Ourense, Ribadavia e Verín.
6/11 visitan Cambados asociacions de Santiago de Compostela.
10/11 visitan Fisterra asociacions de Frades ( A Coruña).

Temática:
Outros