A Escola Galega do Consumo tamén se desprazou ao CEIP da Escravitude e ao E.E.I. de Extramundi de Arriba para realizar varios obradoiros dese programa
Santiago de Compostela, 25 de Outubro de 2019.-

O Instituto Galego do Consumo e da Competencia (IGCC) desenvolveu hoxe, 25 de outubro de 2019, a través da Escola Galega do Consumo, unha actividade sobre alimentos funcionais na súa Aula supermercado, dentro do seu programa formativo Cores. Nela participou un grupo de mulleres da Fundación Secretariado Gitano (FSG), de Santiago de Compostela.                                                                                                                                                                    

Ademais, a Escola Galega do Consumo realizou varios obradoiros, tamén pertencentes ao Programa Cores, no CEIP da Escravitude e no E.E.I. de Extramundi de Arriba. En concreto, as actividades desenvolvidas foron: a pirámide dos alimentos e traballando a igualdade a través da publicidade.

                                                                                                                                                                    

O Programa Cores é un programa de formación permanente que se desenvolve ao longo de todo o ano cubrindo diferentes temáticas relacionadas co consumo responsable e os dereitos das persoas consumidoras.

 

Para obter información sobre as actividades do Programa Cores da Escola Galega do Consumo pódese consultar o apartado de formación da páxina web do IGCC  (https://consumo.xunta.gal/gl/formacion/actividades/programa-cores).

O formulario de inscrición atópase no seguinte enlace: https://consumo.xunta.gal/gl/formacion/actividades/programa-cores/inscri...

 

Para formular calquera dúbida ou cuestión, pódese tamén contactar coa Escola Galega do Consumo nos seus teléfonos 881 999 091 e 881 999 075 ou a través do correo electrónico igc.escuela@xunta.es

Temática:
Outros