Actualidade

Nava Castro avanzou que o departamento que dirixe Javier Guerra porá en marcha unha campaña de inspección sobre o emprego destas liñas e requerirá das cadeas de TV que empreguen este tipo de números que se axusten á normativa
Asemade, levarase a cabo unha campaña informativa sobre os dereitos dos consumidores fronte a estas liñas 905, e poranse en marcha talleres específicos no marco do plan anual da Escola Galega de Consumo
As medidas veñen dadas polo estudo feito polo Observatorio de Premios e Concursos impulsado pola departamento que dirixe Javier Guerra da man da Federación Galega de Euroconsumo
Este observatorio é un dos sete creados pola Xunta cun investimento superior aos 400.000 euros para obter radiografías dos problemas que afectan aos consumidores galegos

O departamento que dirixe Javier Guerra avanza na estratexia de protección ao consumidor e traballa nun convenio de colaboración coa Fiscalía do TSXG
Xunta e Fiscalía coinciden na necesidade de erradicar cláusulas abusivas que afectan de xeito xeralizado aos consumidores
A nova Lei de Protección do Consumidor de Galicia contribuirá tamén a incrementar a seguridade dos consumidores nos nosos mercados

O conselleiro de Economía e Industria insta ao Executivo "a manter o límite dos 10 KW contratados para a aplicación da TUR, a establecer criterios obxectivos e automáticos para a actualización da TUR que en ningún caso supoñan incrementos superiores ao IPC"
A Xunta tamén pretende que o Goberno manteña a actual conxelación da tarifa para os colectivos máis vulnerables, eliminando ademais a recarga por exceso de consumo vixente para eles
O responsable autonómico solicita unha investigación do Tribunal de Defensa da Competencia dos prezos das tarifas no mercado liberalizado, ante a sospeita de pacto de prezos por parte das comercializadoras
Coa última suba da TUR do 9,8%, esta tarifa tense incrementado en máis dun 18% de xeito acumulado no periodo comprendido entre xaneiro de 2010 e xaneiro de 2011
As propostas da Xunta de Galicia e da Consellería de Economía e Industria están avaladas en todos os seus termos polo Consello Galego de Consumidores

O conselleiro adiantou que o novo texto legal no que se traballa apostará por potenciar a axilidade e a eficacia que ofrecen as fórmulas habilitadas para a resolución extraxudicial dos conflitos a través da mediación e a arbitraxe
A regulamentación contribuirá tamén a incrementar a seguridade dos consumidores nos nosos mercados, e garantirá a seguridade xurídica aos nosos profesionais e empresarios
O Plan de Choque de Arbitraxe de Consumo posto en marcha por Economía e Industria multiplicou por tres o número de laudos arbitrais contabilizados no primeiro semestre de 2010 con respecto ao mesmo período de 2009
Estes datos acadáronse grazas á potenciación de arbitraxes unipersoais, implicando ás tres universidades galegas na xestión da arbitraxe e aumentando o número de audiencias arbitrais nas sete sedes do IGC, por riba da audiencia semanal anterior herdada

InfoNadal puxo en marcha tres novas campañas específicas de control centradas nas guirnaldas luminosas, os xoguetes con cordas e arrastre e os xoguetes de madeira, nas que o Laboratorio de Consumo de Galicia localizou catro produtos con risco para a saúde
Galicia tense convertido na Comunidade Autónoma que maior número de produtos localiza, debido a que tamén é a que máis investiga
O IGC realizou en 2010 máis de 85.000 actuacións de control de seguridade dos produtos industriais
Derivado das devanditas actuacións procedeuse á retirada de 27.970 unidades de produtos que foran notificados ao SIRI (sistema de intercambio rápido de información)

A campaña que desenvolverá o Instituto Galego de Consumo está especialmente dirixida aos clientes con potencia contratada inferior a 3Kw, aos pensionistas con prestacións mínimas, ás familias numerosas e aos fogares con todos os seus membros en paro
A directora xeral de Comercio destaca que "o obxectivo desta campaña é evitar as recargas nas súa facturas eléctricas, tendo en conta que, en moitos casos, os consumidores están a pagar un sobreprezo, que pode evitarse cunha tramitación moi sinxela"
Distribuiranse máis de 30.000 folletos informativos en 139 oficinas de atención e asesoramento aos consumidores, prestarase atención personalizada a través do telefono gratuíto de consumidor ( 900 23 11 23), e informarase na páxina Web do IGC ( www.igc.xunta.es)

As xornadas buscarán, tamén, obxectivos mais precisos como a mellora das actitudes de respecto aos dereitos das persoas ou a reflexión e a análise dos procesos que sustentan a actividade de consumo
Para levar a cabo o desenvolvemento das xornadas crearase unha comisión mixta que se encargará da súa avaliación

A cita está dirixida ao alumnado das Escolas de Arte, Ciclo Superior de Formación Profesional de Deseño e Produción Editorial, Escolas de Imaxe e Son e de Bacharelatos
As dúas consellerías teñen tamén convocado un concurso de premios as mellores memorias dos proxectos de educación para o consumo responsable na escola desenvolvidas dentro do marco da Rede de Educación para o Consumo Responsable

Nunha comparecencia conxunta, o director do Inega e a presidenta do IGC, Eliseo Diéguez e Nava Castro, subliñaron que o obxectivo último desta "actuación transversal" é a de conseguir que os cidadáns galegos que actualmente están sufrindo sobrecustos na súa facturación non os teñan que pagar de aquí en adiante
Eliseo Diéguez, indicou que na actualidade existe un gran número de usuarios entre os que se atopan particulares, administracións, pemes, etc. na devandita situación, é dicir, que están a sufrir recargas na súa factura eléctrica de entre o 20% e o 40%, e que incluso poden chegar a quedar sen subministro desde o 1 de xaneiro de 2011
Diéguez sinalou que Economía e Industria enviará un folleto informativo aos concellos, ás OMIC e a outros usuarios que puideran estar afectados por esta situación no que se recollen as instrucións necesarias a poñer en práctica para evitar estas recargas na facturación e os futuros cortes da subministración
Castro e Diéguez piden a colaboración dos cidadáns para que esta información chegue ao maior número de usuarios