Consumo

A Consellería de Economía e Industria dota con máis de 600.000 euros aos colectivos de consumidores no novo plan de financiamento de asociacións e federacións co obxectivo de impulsar a mediación como fórmula de resolución de conflitos
Os observatorios, de ámbito autonómico, atenderán da man das federacións e das asociacións reclamacións sectoriais no eido do automóbil, dos concursos, do transporte aéreo e dos servizos e produtos financeiros
Estes acordos son froito do traballo consensuado cos colectivos de consumidores, e da necesidade de articular un traballo coordinado para lograr que as actuacións encamiñadas á defensa dos consumidores galegos acaden a repercusión que precisan e os cidadáns perciban os seus beneficios
O novo modelo avanza na defensa dos consumidores galegos, racionaliza o investimento e afonda na profesionalización e potenciación dos colectivos de consumidores

Dende o ano 2009, o Instituto Galego de Consumo conseguiu axilizar os procesos arbitrais, que viñan sufrindo graves retrasos nos últimos anos
No ano 2009 presentáronse 10.843 solicitudes arbitrais, o que supón un incremento de máis do 80% a respecto dos datos do ano 2008, e cóntase xa cun total de 9.314 empresas e profesionais adheridos á Xunta Arbitral de Consumo de Galicia
A directora xeral de Comercio, Nava Castro, presentou o balance de actividades do IGC do pasado ano, no que destaca un importante aumento tanto das solicitudes de información, cun total de 33.277 e un 28% máis ca en 2008, coma no número de reclamacións cun total de 21.420, o que supón un incremento do 21,7%

Economía e Industria activa a primeira Oficina Provincial de Información ao Consumidor que abre as súas portas en Galicia, e que asesorará aos cidadáns da capital e aos concellos da provincia, de xeito especial aos que non teñan OMIC e, en particular, aos de menos de 5.000 habitantes
A posta en marcha deste servizo da resposta a un dos compromisos prioritarios do departamento que dirixe Javier Guerra: mellorar o servizo de atención e información aos consumidores galegos
Deste xeito, establécese unha rede provincial de información ao consumidor, e promocionarase a difusión da mediación e do sistema arbitral de consumo de Galicia na provincia de Pontevedra e de diferentes accións de formación e educación en materia de consumo

A través deste convenio de colaboración desenvolveranse no presente ano 42 obradoiros en toda Galicia dirixidos a persoas con especial vulnerabilidade agravada pola crise económica actual.
Voluntarios da Cruz Vermella recibirán formación na Escola Galega de Consumo para logo desenvolver os obradoiros nos que participarán directamente máis de 400 persoas.

Este novidoso programa está orientado dun xeito especial aos máis cativos e aos adolescentes participantes das escolas de verán, campamentos urbanos e demais actividades de lecer
As actividades ofertadas polo departamento que dirixe Javier Guerra a través de LecerConsumo desenvolveranse desde a Escola Galega de Consumo (EGC), co persoal, recursos e materiais dos que dispón
As accións de LecerConsumo teñen un formato de obradoiro e están programadas de xeito eminentemente lúdico e adaptado ás idades dos participantes na procura de dar resposta aos intereses e inquedanzas de todos os participantes

Nunha comparecencia conxunta, o director do Inega e a presidenta do IGC, Eliseo Diéguez e Nava Castro, subliñaron que o obxectivo último desta "actuación transversal" é a de conseguir que os cidadáns galegos que actualmente están sufrindo sobrecustos na súa facturación non os teñan que pagar de aquí en adiante
Eliseo Diéguez, indicou que na actualidade existe un gran número de usuarios entre os que se atopan particulares, administracións, pemes, etc. na devandita situación, é dicir, que están a sufrir recargas na súa factura eléctrica de entre o 20% e o 40%, e que incluso poden chegar a quedar sen subministro desde o 1 de xaneiro de 2011
Diéguez sinalou que Economía e Industria enviará un folleto informativo aos concellos, ás OMIC e a outros usuarios que puideran estar afectados por esta situación no que se recollen as instrucións necesarias a poñer en práctica para evitar estas recargas na facturación e os futuros cortes da subministración
Castro e Diéguez piden a colaboración dos cidadáns para que esta información chegue ao maior número de usuarios

A cita está dirixida ao alumnado das Escolas de Arte, Ciclo Superior de Formación Profesional de Deseño e Produción Editorial, Escolas de Imaxe e Son e de Bacharelatos
As dúas consellerías teñen tamén convocado un concurso de premios as mellores memorias dos proxectos de educación para o consumo responsable na escola desenvolvidas dentro do marco da Rede de Educación para o Consumo Responsable

A campaña que desenvolverá o Instituto Galego de Consumo está especialmente dirixida aos clientes con potencia contratada inferior a 3Kw, aos pensionistas con prestacións mínimas, ás familias numerosas e aos fogares con todos os seus membros en paro
A directora xeral de Comercio destaca que "o obxectivo desta campaña é evitar as recargas nas súa facturas eléctricas, tendo en conta que, en moitos casos, os consumidores están a pagar un sobreprezo, que pode evitarse cunha tramitación moi sinxela"
Distribuiranse máis de 30.000 folletos informativos en 139 oficinas de atención e asesoramento aos consumidores, prestarase atención personalizada a través do telefono gratuíto de consumidor ( 900 23 11 23), e informarase na páxina Web do IGC ( www.igc.xunta.es)